الرئيسية, أخبار محلية, تقارير إخبارية دولية, الإفتتاحية, آخر الأخبار, أخبار مصورة , خاص المستقبل, عناوين رئيسية, أخبار منوعة, الإفتتاحية, سؤال للإستفتاء, أخبار مواقع التواصل الإجتماعي, إضاءات, الأكثر قراءة, مقالات من الصحافة الكويتية , موضة وأزياء, أخبار الشرق الأوسط, خاص المستقبل, تقارير إخبارية, أخبار اليوم

زوجي المغرور!! .. تعبني ف حياتي احتاج مساعدتكم

28

السلام عليكم ورحمه الله وبركاته

انا توني عروس متزوجه من 5 شهور وحامل الحمد لله وتعبانه نفسيا وربي اني ندمانه قد شعر رأسي ع الزواجه هذي .. اخذته عن طريق موقع زواج ومشيت الأمور بسرعه وتزوجنا** .. الفتره هذي اكتشفت انو عنده افلام سكس وكلمته بالموضوع وخوفته من ربي مافي فايده يقول العيال يرسلو هما كذا كل الشباب وانو مايشوفها وحلف انو يمسحها اول باول دون يتفرج عليها بس اتحدا دايم يطول بالحمام والسهر لاخر الليل ويطلع السطح يقول بيدخن وجواله 24 ساعه عليه والتويتر ويتابع وحده مقاطعها رقص وبنات ومسخره ومقاطع قليله أدب بعض الأحيان نفسي اعرف مايطفش .. انا من هذي الناحيه مو مقصره ابدا ودايم اطلبه انا ومرات اتفشل ويردني الشي الثاني كنت اقلب باللاب حقه لقيت أرقام بنات كثيير وربي حسيت بغصه ف قلبي .. بس للامانه من بعد الزواج ماشفت منه شي للحين لا خيانه ولا محادثات ولا مكالمات فما فاتحته بالموضوع لأن شكله قديم ايام مراهقة قبل نتزوج وانا مالي ف ماضيه ليا بحاضره وطنشت ومشيت الوضع معاه وعادي ومبسوطه بس مره لقيت بجواله مسجل رقم بنت وحلف انو مايكلمها بس مسجل رقمها كذا عشان لو اتصلت أو شي يعرف رقمها لو جابته !! لأنه كان متواصل معاها قبل الزواج وتركها وقالي امسحيها لو تبغي وهيا ماتعرف رقمي هذا لأنه جديد .. عنده جوالين رقمه القديم فيه رقم سري ومايبغاني أعرفه أما الثاني عادي معلمني الرقم السري .. الشي الأخير انا حالتي الماديه متوسطه عايشه بعماره قديمه بحي قديم كنت وهوا بفله وحي راقي وكم مره يعايرني يقلي فين كنتي وفين صرتي انا نظفتك مره خلصت بطارية مكيف الاسبلت وقلتله عصب عليا وقال ايش سويتي فيه خربتيه اتحدا لو شفتي زيه بحياتك** .. ومره اهلي كانو بيشترو غساله جديده سألته غسالتنا من فين جبتها مارضي يقلي قالي ماتقدرو تجيبو زيها ب 3 آلاف وعليها** .. وأنا ذاك الوقت ابوي معطيني ميزانية 5 آلاف وقتها انقهرت وطلعتها قدامه وقلتله هذي تجيب قد غسالتك بمرتين اه يابنات تعبت محسسني اني شحاته تخيلو انظف بيتي ويقلي حاس نفسي عايش بزباله انتي ماتسوي شي ولا تنظفي بس تاكلي وتنامي وانا ورب البيت انظف البيت بس هو ظالمني دايم يقلي تهتمي بنفسك وملابسك وجسمك ونعومه يدك وتتدلعي وبيتك وسخ وريحته طالعه ورب البيت اخواته شاهدين ع نظافتي ونظافة بيتي دايم يهددني بالزواج من الثانيه انا ماكملت حتى سنه من زواجي انا انطوائيه وشخصيتي ضعيفه مقدر أدافع عن نفسي ع طول ابكي وحتى لو مو غلطانه انا استسمحه واراضيه أخاف مره ولا أدري ايش اسوي مقدر اقول لأهلي لأن ما ابغا المشاكل تكبر وكمان حياتي ف بيت اهلي دمار أمي منفصله من زمان و مسحورين وتعب وشيوخ وانا قرفت من كل شي هذا السبب الي خلاني أسجل بموقع الزواج بشرد من المشاكل والهم طحت بهم ثاني .. لو ماني حامل فكرت اتطلق بس حرام ايش ذنب الي ف بطني .. هوا مرات يكون طيب ومافي منه وماعمره رد لي طلب ومو مقصر معاي لا اكل ولا شرب ولا فلوس ورحنا شهر عسل برا السعوديه وقالي انو يحبني ويموت فيني واني نسيته كل شي وماضيه ومبسوط معايا ولما اروح بيت اهلي مايخليني انام عندهم وع طول يرجعني يقول مايقدر ع بعدي وما ازورهم كثير مرات احسه رومنسي واحبه ومقدر أعيش بدونه ومرات أكرهه .. يصلي وأخلاقه طيبه بس عصبي مرره ومحد يقدرله حتى أمه واخواته يخافو منه أبوه متوفي ماعنده إلا أخ وبرضو يخاف منه يعاملوه ع انه ابوهم لأنه مربيهم .. قالي اذا ولدتي ع طول بنجيب الثاني قلت لا بعد سنه أن شاءالله عشان نربيه قال عادي ماتبغي أتزوج وحده تخلف .. أول كان شرطي الجمال واخذتك والحمدلله عندي الجمال لكن دحين شرطي الخلفه وابغا عيال كثير .. انا الحمدلله بشهادة الجميع ملكه جمال بس أحس راح يدفني ف عز شبابي توني صغيره عمري 22 سنه وهوا 34 سنه ويبغا كل سنه بيبي .. شالحال معاه ادعولي امانه

اترك رد

لن يتم نشر عنوان بريدك الإلكتروني.

%d مدونون معجبون بهذه: